Tere saath fir chalne ko jee karta

Tere Saath Fir Chalne Ko Jee Karta Hai,
Tujhse Kyun Milne Ko Jee Karta Hai.
Teri Baahon Me Sama Ke Khud Ko,
Aaj Fir Pighalne Ko Jee Karta Hai.
Tere Ishq Ki Shamma Karke Roshan,
Usme Hume Jalne Ko Jee Karta Hai.
Apne Ishq Ki Arthi Se Utha Ke Raakh,
Badan Pe Malne Ko Jee Karta Hai.
Teri Baahon Ka Jo Sahara Hai Saath,
To Fir Sambhalne Ko Jee Karta Hai.
Ishq Ke Is Murjhaye Hue Chaman Me,
“Ghayal”Ka Khilne Ko Jee Karta Hai.