Teri tasweer ko dekhta rehta hun main

Teri Tasweer Ko Dekhta Rehta Hun
Main Tere Bare Mein Sochta Rehta Hun
Tune Roshan Kiya Jo Wafa Ka Diya
Oh Diya Dekh Kar Khush Hota Rehta Hun
Shauq Mujh Ko Khushi Maangne Ka Nahin
Jane Kion Tujh Se Main Maangta Rehta Hun
Dosti, Pyar, Sachhai, Insaniyat
In Hi Chizon Ko Main Poojta Rehta Hun
Bazm Me Koi Tujh Se Nahin Bolta
Shukr Kar Mera Ke Bolta Rehta Hun
Hoga Didaar Tera Kabhi To Sanam
Is Bharose Men Din Kaatta Rehta Hun
Tu Salamat Rahe Khush Rehe Yun Sada
Har Dua Men Ye Hi Maangta Rehta Hun
Yeh Tabiyat Ba-Mushkil Sanbhalti Hai Yaar
Jab Dukhi Main Tujhe Dekhta Rehta Hun
Aaj Bhi Pyar Ki Justojuh Jari Hai
Aaj Bhi Main Tujhe Dhoondta Rehta Hun
Sher Parwaaz Ke Sab Mazedaar Hain
Main Inhen Padh Kar Jhoomta Rehta Hun