Tujhse milne par laga tha mujhe kucch

Tujhse Milne Par Laga Tha Mujhe Kucch Aise,
Meri Veeran Zindagi Mein Bahar Aa Gayi Ho Jaise
Dosti Itni Khoobsurat Hoti Hai Mujhe Yeh Pata Na Tha,
Itni Chanchal Ho Kar Bhi Itni Mazboot Hoti Hai,Iska Ehsaas Na Tha
Tum Ne Meri Zindagi Ko Khushiyon Se Bhar Diya,
Mere Har Aasoon Ko Muskaan Mein Badal Diya.
Maine Tumhara Dil Kayee Baar Dukhaya,
Par Tumne Meri Kissi Bhi Galti Ko Dil Se Nahin Lagaya,
Tumne Mera Har Musibat Mein Saath Nibhaya,
Aur Haste Hue Har Sankat Ka Saamna Karna Sikhaya
Tumne Larte-Jhagarte Haste-Gaate Mera Hardam Saath Diya,
Aur Iske Badle Mein Na Kucch Chaha Aur Na Hi Kucch Liya
Hamari Dosti Yun Hi Bani Rahe Hum Yahi Fariyaad Karenge
Chahe Hum Saath Rahe Ya Na Raheyeh Pal Hamein Hamesha Yaad Rahenge