Kitni gahri aankhe teri sundar hai tu

Kitni Gahri Aankhe Teri Kitni Sundar Hai Tu Maa
Kitna Komal Dil Hai Tera Kitni Bholi Hai Tu Maa
Apne Aanchal Se Dankkar Kitna Mujhme Khoyi Thi
Meri Raat Ki Chinta Karke Saari Raat Na Soyi Thi
Chot Mujhe Lag Jaati Thi Gar Ghanto Kitna Roti Thi
Jab Neend Nahi Aati Thi Mujhko God Me Mujhe Sulati Thi
Meri Khwahis Meri Ikcha Kitne Nakhre Sahti Thi
Naraj Kabhi Ho Jata Main To Kitna Mujhe Manati Thi
Jab Der Kabhi Ho Jaati Thi To Darweaaje Ko Takti Thi
Kitne Karvat Badali Thi Fir Dekh Mujhe So Jaati Thi
Har Kadam Ko Rakhne Se Pahle Mujhko Raah Dikhati Thi
Meri Takdeer Banaane Ko Kitna Eesh Manati Thi
Padne Mujhe Jo Bheja Tha Pathar Dil Par Rakhke Maa
Dil Ko Bahut Manaya Hoga Kitna Ruutha Hoga Maa
Jab Duur Bahut Huun Tumse Main To Kaise Rahti Hogi Maa
Yaad Mujhe Tuu Karti Hogi Kitni Tanha Hogi Maa
Yaad Mein Meri Khokar Her Pal Kaise Soti Hogi Maa
Kitni Dil Mein Halchal Hogi Baichen Badi Tu Hogi Maa
Main Bhi Behad Vyakul Hu Mujhko Paas Bulale Maa
Yaad Mujhe Aati Hai Teri Mujhko Gale Laga Le Maa
Jalim Duniya Log Matlabi Dhoke Pal Pal Karte Hain
Yahaa Dard Chipe Hain Khusiyo Mein Inse Mujhe Bacha Le Maa
Chuur Ho Gaya Huun Thak Kar God Mein Mujhe Sula Le Maa
Kho Jau Gar Khwabo Mein To Fir Na Mujhe Uthana Maa
Jahaa Pyaar Ki Barish Hoti Thi Aur Tare Apne Se The Maa
Jahaa Sundar Pariya Rahti Thi Fir Se Waha Bula Le Maa
Jahaa Insaa Acche Baste The Aur Imaan Pakke Hote The
Jahaa Sapne Sacche Hote The Mujhko Wahaa Bula Le Maa