Main bazahir thehri hoey jheel ki manind

Main Bazahir Thehri Hoey Jheel Ki Manind
Jis Ki Bhi Choti Si Muharek Dunya Hay Aur
Zameen Kay Saath Her Waqt Gardish Main
Haan Laikin Itni Sakit To Nahi
Sadyoon Say Aik Hi Jaga Jamid Pahaar
Jin Kay Ander Anasir Ka Musalsal Taghayer
Kabhi Koela Kabhi Sona Kabhi Atish Fishani
Haan Laikin Itnay Jamid To Nahi
Jaisay Bay Jaan Aur Sunsaan Qabrain
Chup Chaap Andhairoon Main Kahin
Pur Mehak Roshni To Kahin Dardnaak Azab
Haan Laikin Itni Bay Jaan To Nahi