Exclusive Shayari

Log toot jaate hain ek ghar bnane

Log Toot Jaate Hain Ek Ghar Bnane Mein
Tum Tarsh Nahi Khate Bastiyan Jalane Mein
Aur Jaam Tuteinge Is Sharabkhane Mein
Mausamo Ke Aane Mein Mausamo Ke Jaane Mein
Har Dhadkate Pathar Ko Log Dil Samajhte Hain
Umar Beet Jaati Hai Dil Ko Dil Bnane Mein
Fakhta Ki Majboori Ye Bhi Nahi Keh Sakti
Kaun Saanp Rakhta Hai Uske Aashiyane Mein
Doosri Koi Ladki Zindagi Mein Aayegi
Kitni Der Lagti Hai Usko Bhool Jaane Mein
– Bashir Badr

Kisi ki raah mein dehleej per diye

Kisi Ki Raah Mein Dehleej Per Diye Na Rakho
Kiwad Sookhi Hui Lakdiyon Ke Hote Hain
Chirag Pani Mein Maujo Se Puchte Honge
Voh Kaun Log Hain Jo Kashtiyan Dubote Hain
Kadeem (Purane, Old) Kasbon Mein Kaisa Sukoon Hota Hai
Thake-Thkaaye Humare Buzurg Sote Hain
Chamkati Hai Kahi Sadiyon Mein Aansuon Se Zameen
Ghazal Ke Sher Kahan Roz-Roz Hote Hain
– Bashir Badr

Vo gunahgar mere hak me dua kar

Vo Gunahgar Mere Hak Me Dua Kar Deta
Mere Sookhe Huye Jangal Ko Hra Kar Deta
Kaash! Vo Aata Mere Maathe Ke Bose Leta
Main Hoon Bimaar Mere Hak Me Dua Kar Deta
Yoon Bhi Tabdeel Baharon Me Khija Ho Jati
Apne Daaman Se Voh Chehre Pe Hawa Kar Deta
Ye Jo Beaib* Hain Taumar Tarsate Rehte
Mujhko Aisi Koi Taumar Sza Kar Deta
Ek Muddat Se Ye HumRaah Rha Karti Hain
Ranjishein Koi Mere Dil Se Juda Kar Deta

One homeless man said to the other

One homeless man said to the other homeless man,
–I smell like a sewage dumps!–
So, the other homeless man said,
–A flash flood warning in affect in this area soon, I have a bar of anti-bacteria soap and a shrub brush you can used.–
– Derrick Clark

Kabhi aate huye to jate sochta hoon

Kabhi Aate Huye To Kabhi Jate Huye
Sochta Hoon Muskarate Huye
Zindagi K Ahem Lamho Ko Dil K Kone Me Samete Huye
Taki Aankh Bhar Aaye Kisi Ko Rota Dekh
Sacchi Chahat K Liye Pyaar Krta Hoon Ehsaso K Liye
Unki Bhavnao Se Intezar K Liye Sayad Koi Ho Sanjeev K Liye…
– Sanjeev Jasrana

Dil mein na ho jurrat to mohabbat

Dil Mein Na Ho Jurrat To Mohabbat Nahi Milti
Khairat Mein Itni Badi Daulat Nahi Milti
Kuch Log Yoon Hi Shehar Mein Humse Bhi Khafa Hain
Har Ek Se Apni Bhi Tabiyat Nahi Milti
Dekha Tha Jise Maine Koi Aur Tha Shayad
Vo Kaun Hai Jis-se Teri Soorat Nahi Milti
Hanste Huye Chehron Se Hai Bazaar Ki Zeenat*
Rone Ki Yahan Vaise Bhi Fursat Nahi Milti
– Nida Fazli
* Zeenat = Shobha, Grace

Maikada raat gham ka ghar nikla dil

Maikada Raat Gham Ka Ghar Nikla
Dil Hatheli Tale Khandhar Nikla
Main Use Dhoondhta Tha Aankho Mein
Phool Bankar Vo Shakh Per Nikla
Kiske Shaye Mein Sir Chhupaoge
Voh Shazar Dhoop Ka Shazar Nikla
Uska Aanchal Bhi Koi Badal Tha
Vo Hawaon Ka Humsafar Nikla
Koi Kagaz Na Tha Lifafe Mein
Sirf Titli Ka Ek Per Nikla
Jab Se Jana Ki Voh Bahadur Hai
Dil Se Kuch Dushmano Ka Dar Nikla
Zindagi Ek Fakeer Ki Chaadar Hai
Jab Dhake Paanv Apna Sir Nikla
– Bashir Badr

Kadam zamana hai aur sabke saath chalna

Kadam Zamana Hai Aur Sabke Saath Chalna Bhi
Hum Apni Raah Ke Pathar Hain Aur Dariya Bhi
Magar Jo Phaasla Pehle Tha Aur Badhta Gaya
Main Uske Paas Gaya Voh Idhar Se Guzra Bhi
Bahut Budhimaan Aur Waqt Ko Pehchaan Ne Wala Tha Lekin
Vo Raat Bachon Ki Tarah Lipat Ke Roya Bhi
Ye Khushk Shaakh Na Sarsabz Ho Saki Usne
Mujhe Gale Se Lagaya Palak Se Chooma Bhi
– Bashir Badr Shayari

Zaahir hai meri bebasi be asar aahe aab e chashm

Zaahir Hai Meri Bebasi, Be-Asar Hai Meri Aahe
Aab-E-Chashm Deko Jara, Nikalti Kasak-E-Dil Meri
Kya Tamanna Kya Arju-E-Kwab, Dil Woh Mera Loot Gaya
Ishq-E-Muhobbat Tanhai, Woh Tabaah Mujhe Kar Gaya
Tamanna Tujhe Gair Ki Hai, Aarju Mujhe Teri Rahi
Gham-E-Nafrat Tere Dil Ki, Shole Bankar Jala Gayee…
– Sheikh Muqtar

Kabhi aayi teri yaad maa toh hum

Kabhi Aayi Teri Yaad Maa Toh Hum Jee Bhar Ke Ro Liye
Kabhi Jaageh Hum Saari Raat Toh Kabhi Din Mein Hi So Liye
Aansuo Se Tumhare Na Hone Ka Gam Mita Raha Hu
Kya Batau Kaise Jeeye Ja Raha Hu
Tumhara Dulaar Bahut Yaad Aata Hai
Har Baar Aankho Mein Aansu Chod Jata Hai…
– Ritesh Modi

Gali hai faili khush haali aaj hogi holi

Gali Gali Hai Faili Khush-Haali
Aaj Hogi Holi Aur Diwali
Fizaao Ne Madhoor Rang Mehkaya Hai
Aaj Swatantra Diwas Aaya Hai
Gaon-Gaon Seher-Seher Mein Failega Aman Ka Sandesh
Sabhi Ka Ek Dharm Ek Jaati Ek Hoga Desh
Harso-Ull-Aas Hi Bus Har Jagah Chaya Hai
Fizaao Ne Madhoor Rang Mehkaya Hai
Aaj Swatantra Diwas Aaya Hai
Aaj Na Koi Hindu Na Muslim
Sabhi Hai Purna Bhartiya Aur Bus Bharat Ki Pehchan
Garv Ki Muskan Ne Sabkey Cehroo Ko Khilaya Hai
Fizaao Ne Madhoor Rang Mehkaya Hai
Aaj Swatantra Diwas Aaya Hai
Aaj Hi Ke Din Hamney Azadi Ko Paya Tha
Bahar Khadera Angrejo Ko, Purn Sawrajaya Aaya Tha
Aaj Ke Din Ne Veero Ki Ghatha Ko Gaya Hai
Fizaao Ne Madhoor Rang Mehkaya Hai
Aaj Swatantra Diwas Aaya Hai
Azadi Ki Khatir Bhagat Singh, Sukh Dev, Rajguru Ne Kiya Tha Prano Ka Balidan
Unhi Azadi Ke Parwano Ke Tyag Se Hamney Paya Tha Yeh Vardan
Unkey Balidaan Ko Yaad Karney Ka Din Aaya Hai
Fizaao Ne Madhoor Rang Mehkaya Hai
Aaj Swatantra Diwas Aaya Hai
Subh Kuch Bhoolkar Mitrata Ka Hath Bhadana Hai
Hokar Khadey Ek Sath Vande Matram Gana Hai
Lagey Jasey Purey Bharat Varsh Ne Ek Svar Me Issey Gaya Hai
Fizaao Ne Madhoor Rang Mehkaya Hai
Aaj Swatantra Diwas Aaya Hai…
– Ravi O.Goel

Zindagi ek baar milti hai usko na

Zindagi Ek Baar Milti Hai Usko Na Yun Barbaad Karo,
Khushi Ho Ya Gam Ka Aalam Us Khuda Par Aitbaar Karo,
Mohabbat Hi To Hame Jeena Sikhati Hai Is Zamane Mei
Isiliye Doston Kisi Na Kisi Se Tum Bhi Pyaar Karo…
– Akash Chauhan

Badi jaani pehachani lagti ho tum kabhi

Badi Jaani Pehachani Lagti Ho Tum,
Kabhi Badi Anjani Lagti Ho Tum,
Kya Bataye Tumhe Ae Zindagi,
Kitni Bemani Lagti Ho Tum,
Jeete Hai Jiske Liye, Usi Ke Liye Waqt Nahi,
Hazaar Khushiyan Hai Daman Me Per Muskurane Ke Liye Waqt Nahi,
Kabhi Hum Yuh Bhi Socha Karte Hai Ae Zindagi
Kya Hoti Hai Yeh Zindagi…
– Ritesh Modi

Muskurate the jo hum to sama roshan

Muskurate The Jo Hum To Sama Roshan Ho Jata Tha
Lagte The Jo Doston Se Gale To Rom Rom Khil Jata Tha
Waqt Bhi Na Jaane Kuch Palon Mei Simat Jata Tha
Bewajah Hasne Ka Silsila Aksar Suru Ho Jata Tha…
Khwaab Ko Palkon Pe Sajakar
Doston Ke Saath Kadam Se Kadam Milakar
Bewajah Hi Hum Nikal Padte The
Besaq Aate The Kuch Kam Paise Ghar Se
Par Wo Bhi Bahut Lagte The…
Dil Bhi Aksar Kisi Ko Dekhkar Aahen Bharta Tha
Uska Chehra Har Waqt Khwabon Mei Sajta Tha
Muskurati Thi Wo To Sara Gulshan Mehakta Tha
Par Na Jaane Kyun Dil Kuch Kehne Se Darta Tha…
Aati Jo Thi Exams Ki Date Kareeb To Khamoshi Cha Jaati Thi
Har Kahin Paper Leak Hone Ki Afwahen Sunai Pad Jaati Thi
Paper Hamesha Acche Hi Na Jaan Kaise Ho Jaate The
Bas Uske Baad To Masti Se Baaki Din Bitaate The…
Aksar Abhi Bhi Khayalon Mei Wo Din Yaad Aate Hain
Bewajah Hi Lub Khud B Khud Muskura Jaate Hain
Hum Bhi Kuch Pal Ke Liye Hi Sahi Tension Bhool Jaate Hain
Apne Aap Ko Kisi Jaanat Ki Duniya Mei Paate Hain…
– Akash Chauhan

Dil shikasta koi hum jaisa yahan dafn hai

Dil-Shikasta Koi Hum Jaisa Yahan Dafn Hai Kya
Der Tak Raat Ko Rone Ki Sda Aati Hai
Jaise Chasme Pe Nahati Huyi Shehjadi-E-Khawab
Chandni Raat Jab Ashko Me Naha Jaati Hai
Kya Yahan Dasht-E-Tammana Me Koi Phool Khila
Ab Idhar Roz Kayi Bar Sba Aati Hai
Kisi Dastak Ne Bahut Chupke Se Sargoshi Ki
Chand Se Chandni Nazdeek Huyi Jaati Hai
Meri Aankho Me Utar Aaye Hain Kaale Baadal
Jao So Jao Ki Mausam Bada Jazbati Hai
Khushk Patton Ko Koi Rond Raha Hai Shayad
Baal Bikhraye Huye Baad-E-Sba Aati Hai

Holi tyohar hai rang aur bhaang ka

Holi Tyohar Hai Rang Aur Bhaang Ka
Hum Sab Yaaron Ka
Ghar Mein Aaye Mehmano Ka
Gali Mein Gali Walon Ka
Mohalle Mein Mahaul Waalon Ka
Desh Mein Deshwalon Ka
Bura Naa Maano Holi Hai, Holi Hai, Bhai Holi Hai…

Safar ko jab bhi kisi dastan mein

Safar Ko Jab Bhi Kisi Dastan Mein Rakhna
Kadam Yakeen Mein Manzil Gumaan Mein Rakhna
Ja Sath Hai Vahi Ghar Ka Naseeb Hai Lekin
Jo Kho Gaya Hai Use Bhi Makaan Mein Rakhna
Ja Dekhti Hain Nigahein Vahi Nahi Sab Kuch
Ye Ehtiyat Bhi Apne Byaan Mein Rakhna
Voh Ek Khwab Jo Chehra Kabhi Nahi Banta
Bana Ke Chaand Use Aasman Mein Rakhna
Chamkate Chand Sitaron Ka Kya Bharosa Hai
Zameen Ke Chaand Use Aasman Mein Rakhna
Sawal To Bina Mehnat Ke Hal Nahi Hote
Naseeb Ko Bhi Magar Imtihan Mein Rakhna
– Nida Fazli

Neel gagan mein tair raha hai ujla ujla

Neel Gagan Mein Tair Raha Hai Ujla-Ujla Poora Chand
Kin Aankho Se Dekha Jaye, Chanchal Chehre Jaisa Chand
Munni Ki Bholi Baaton-Si Chatki Taaron Ki Kaliyan
Pappu Ki Khamosh Shararat Sa Chhup-Chhup Kar Ubhra Chand
Mujhse Pucho Kaise Kaati Maine Parvat Jaisi Raat
Tumne To Godi Mein Lekar Ghaton Chooma Hoga Chand
Perdesi Sooni Aankhon Mein Shole Se Lehrate Hain
Bhabhi Ki Chhedon-Sa Badal, Aapa Ki Chutki Sa Chand
Tum Bhi Likhna, Tumne Us Shab Kitni Baar Piya Pani
Tumne Bhi To Chhajje Upar, Dekha Hoga Poora Chand
– Nida Fazli, Chand Shayari

Murge ki baang sub ha jagaya karti thi

Murge Ki Baang Sub-Ha Jagaya Karti Thi
Daadi Muh-Andhere Dahi Biloya Karti Thi
Bahut Tarraqui Kar Li Hamne Ab
Garaaj Ban Gaya Wahan Jahan Gaayein Raha Karti Thi…
Wafa Ki Baat Ab Kahani Hoti Hai
Dekh Ke Mulq Ke Halaat Pareshani Hoti Hai
Kaum Ko Deemak Ki Tarha Jo Chaat Gaye
Wo Hain Khush Haal Hairani Hoti Hai…
– Dev Arjun

Khwabon ki tasveer dekta hun unki aankhon

Khwabon Ki Tasveer Dekta Hun Unki Aankhon Mein
Chaand Ki Roshni Ko Mehsoos Karta Hun Unki Panahon Mein
Main Kya Hun Is Zindagi Mein Meri Pehchaan Hai Kya
Tere Naam Se Judi Har Saans Keh Rahi Hai Sada
Meri Maa Tere Bina Duniya Kitni Sooni Sooni Hai
Jeena Tere Bin Yahan Bas Meri Majboori Hai…
– Akash Chauhan

Javed akhtars shayari declaimed by farhan akhtar

Javed Akhtar’s shayari declaimed by Farhan Akhtar in Zindagi Na Milegi Dobara has won numerous hearts and left a lot of a viewer with a lump in the throat. On popular demand, we decided to publish these Shayaris for our readers.
Zindagi Na Milegi Dobara is on its way to becoming a super-hit at the box office and there is word of a sequel, for which the three male co-stars seem to be giving a thumbs-up; and because of the popular demand the Zindagi Na Milegi Dobari shayari will be available in the next edition of the ZNMD CD.
Here is the Shayari and we also point out the scenes where the poems are recited. Enjoy, and do reflect on the words.
Dil Aakhir Tu Kyun Rota Hai – (Thi Shayari comes when Farhan is heartbroken after meeting his estranged dad)
Jab-Jab Dard Ka Baadal Chaya
Jab Gham Ka Saya Lehraya
Jab Aansoo Palkon Tak Aya
Jab Yeh Tanha Dil Ghabraya
Humne Dil Ko Yeh Samjhaya
Dil Aakhir Tu Kyun Rota Hai
Duniya Mein Yunhi Hota Hai
Yeh Jo Gehre Sannaate Hain
Waqt Ne Sabko Hi Baante Hain
Thoda Gham Hai Sabka Kissa
Thodi Dhoop Hai Sabka Hissa
Aankh Teri Bekaar Hi Nam Hai
Har Pal Ek Naya Mausam Hai
Kyun Tu Aise Pal Khota Hai
Dil Aakhir Tu Kyun Rota Hai
Pighle Neelam Sa – (This Shayari comes after the trio’s deep sea dive).
Pighle Neelam Sa Behta Ye Sama
Neeli Neeli Si Khamoshiyan
Na Kahin Hai Zameen Na Kahin Aasmaan
Sarsaraati Hui Tehniyaan-Pattiyaan
Keh Rahi Hain Bas Ek Tum Ho Yahan
Bas Main Hoon, Meri Saanse Hain Aur Meri Dhadkane
Aisi Gehraiyaan, Aisi Tanhaiyaan, Aur Main… Sirf Main
Apne Hone Par Mujhko Yakeen Aa Gaya
Zinda Ho Tum – (This Shayari comes in the climax)
Dilon Mein Tum Apni Betaabiyan Leke Chal Rahe Ho, Toh Zinda Ho Tum
Nazar Mein Khwabo Ki Bijliyan Leke Chal Rahe Ho, Toh Zinda Ho Tum
Hawa Ke Jhokon Ke Jaise Aazad Rehna Seekho
Tum Ek Dariya Ke Jaise Lehron Mein Behna Seekho
Har Ek Lamhe Se Tum Milo Khole Apni Baahein
Har Ek Pal Ek Naya Samaa Dekhiye
Jo Apni Aankhon Mein Hairaniya Leke Chal Rahe Ho, Toh Zinda Ho Tum
Dilon Mein Tum Apni Betaabiyan Leke Chal Rahe Ho, Toh Zinda Ho Tum

Nayi aankhein ho to har manzar acha

Nayi Nayi Aankhein Ho To Har Manzar Acha Lagta Hai
Kuch Din Shehar Mein Ghume Lekin, Ab Ghar Acha Lagta Hai
Milne-Julnewalon Mein To Saare Apne Jaise Hain
Jis-se Ab Tak Mile Nahi Voh Aksar Acha Lagta Hai
Humne Bhi So Kar Dekha Hai Naye-Purane Shehro Mein
Jaisa Bhi Hai Apne Ghar Ka Bistar Acha Lagta Hai
– Nida Fazli

Udasi aasmaan hai dil mera kitna akela

Udasi Aasmaan Hai Dil Mera Kitna Akela Hai
Parinda Sham Ke Pul Per Bahut Khamosh Baitha Hai
Main Jab So Jayun In Akhon Pe Apne Honth Rakh Dena
Yakeen Aa Jayega Palko Tale Bhi Dil Dhadkata Hai
Tumhare Shehar Mein Saare Diye To So Gaye Lekin
Hawa Se Poochna Dehleez Pe Ye Kaun Jalta Hai
Kabhi Main Apne Haatho Ki Lakeeron Se Nahi Uljha
Mujhe Maloom Hai Kissmat Ka Likha Bhi Badlata Hai
– Bashir Badar

Zindagi mein kuch paya aur khoya lekin

Zindagi Mein Kuch Paya Aur Kuch Khoya
Lekin Tujhe Khona Nhi Chahta Maa
Zindagi Ne Kabhi Hasaya Aur Kabhi Rulaya
Lakin Tujhe Rulana Nhi Chahta Maa
Yaad Aati Hai Bahot Tere Bachpan Ki Wo Lory
Isi Liye Teri God K Elawa Kahin Aur Sona Nhi Chahta Maa
Kitna Daanta Tha Tune Bachpan Mein
Ab Q Nhi Daandti Tu Mujhe Maa
Kaise Zinda Reh Paunga Main Tere Baghair
Kabhi Fursat Mile Mujhe Tu Ye To Bata Maa
Zindagi Tune To Meri Roshan Kar Di
Lekin Khud Kiss Andhere Mein Kho Gayi Tu Maa
Kabhi To Khila Mujhe Apne Hath Ki Roti
Aaj Kal Bhukh Bahoth Lagthi Hai Mujhe Maa
Kahaan Ho Tum, Aa Kar Lagalo Gale Iss Bebas Prince Ko
Na Jane Kis Kaash Main Nikal Jaye Meri Saans Maa…
– AnMoL

Nikal aaye idhar janab kahan raat ke

Nikal Aaye Idhar Janab Kahan
Raat Ke Vaqt Aaftab Kahan
Meri Aakhein Kisi Ke Aansoo Hain
Varna In Pathron Mein Aab Kahan
Seb Khile Hain Kisi Ke Gaalon Per
Is Baras Bagh Mein Gulab Kahan
Mere Hothon Pe Teri Khushboo Hai
Chhoo Sakegi Inhe Sharab Kahan
– Bashir Badr

Jo idhar se jaa raha hai vahi

Jo Idhar Se Jaa Raha Hai Vahi Mujh Pe Meharbaan Hai
Kabhi Aag Paasbaan Hai, Kabhi Dhoop Paasbaan Hai
Badi Aarjoo Thi Mujhse Koi Khaak Roke Kehti
Utar Aa Meri Zameen Per Tu Hi Mera Aasmaan Hai
Main Isi Gumaan Mein Barson, Bada Mutmaeen Raha Hoon
Tera Jism Beitgeer, Mera Pyar Jawidan Hai
Kabhi Soorkh Momi Shamayein Wahan Fir Se Jal Sakengi
Voh Lakhvari Einton Ka Jo Bada Sa Ik Makaan Hai
Koi Aag Jaise Kohre Mein Dabi-Dabi Si Chamke
Teri Jhilmilati Aakhon Mein Ajeeb Sa Samaa Hai
Unhi Raaston Ne Jin Per Kabhi Tum The Saath Mere
Mujhe Rok-Rok Puchha Tera Humsafar Kahan Hai
– Bashir Badr

Har cheej jo chamke vo sitara nahi

Har Cheej Jo Chamke, Vo Sitara Nahi Hoti
Har Muskurahat Pyar Ka Ishara Nahi Hoti
Subah Ke Baad Shyam Dhala Karti Hai
Mohabbat Ke Sath Bhi Maut Pala Karti Hai
Ishliye Jaan Par Naaz Karne Walo
Yeh Mat Bhoolo Ke Zindagi Ke Sath Bhi Jawani Dhala Karti Hai
– Wadher NJ

Tujh ko apne dil mein basaya aur

Tujh Ko Apne Dil Mein Basaya
Aur Basaya Kuch Bhi Nhi
Jidhar Daikha Udhar Tu Hi Nazar Aya
Aur Nazar Aya Kuch Bhi Nhi
Teri Judai Se Kya Kya Na Sikha Hai
Pehle Hasna Aur Phir Rona Sikha Hai
Tujh Hi Se Sab Sikha Hai
Dard Mein Hasna Bhi
Teri Judai Se Sikha Hai
Logo Se Mohabbat Karna
Logo Ke Dard Ko Apna Samjhna Bhi
Teri Judai Se Sikha Hai
Dard Sehna, Dard Mein Muskrana Aur
Tanhai Main Rona Bhi
Teri Judai Se Sikha Hai
Har Waqt Tarapna
Raaton Ko Uth Uth Ke Rona Bhi
Teri Judai Se Sikha Hai
Teri Judai Se Kya-Kya Na Sikha Hai
Maine Pehle Hasna Aur Phir Rona Sikha Hai
– Shikha Mishra

Waqt e rookhsat kahi taare jugnoo aaye

Waqt E Rookhsat Kahi Taare, Kahi Jugnoo Aaye
Haar Pehnane Mujhe Phool Se Baaju Aaye
Bas Gayi Hai Mere Ehsas Mein Ye Kaisi Mehak
Koi Khushboo Main Lagayun Teri Khushboo Aaye
Maine Din Raat Khuda Se Ye Dua Maangi Thi
Koi Aahat Na Ho Dar Pe Mere Aur Tu Aaye
Usne Chhoo Kar Mujhe Pathar Se Fir Insaan Kiya
Muddaton Baad, Meri Aakhon Mein Aansoo Aaye
– Bashir Badr

Day and night like a hell everything

Day and Night like a hell,
Everything is lonely,
Everything is not well,
There is deep frustration in me,
My Heart and Mind is not within me,
Lots of things I have to say,
Tell me the way has to tell,
There was time when smile was with me,
Heart was full of hope and sky of happiness was in me,
But today is the time when ottoman with me,
Days are long and hopes are dying in me.
You were the smile of my face,
And now you are tears of me,
You gave your hand like rain in desert,
And now you are behaving like that time has no mean,
For God sake doesn’t do this to me.
If I did a mistake then forgive to me,
If you want to out of my life with out any reason fine,
But when you will be out of my life’
There will be a big change in me.

– Ravi O.Goel

Dedicated to the famous English poet John Keats.

Phool barse kahi shabnam moti aur is

Phool Barse Kahi Shabnam Kahi Moti Barse
Aur Is Dil Ki Taraph Barse To Pathar Barse
Baarishein Chht Pe, Khuli Jagah Pe Hoti Hain
Gham Vo Sawan Hai Jo In Kamron Ke Ander Barse
Hum Se Majboor, Ka Gussa Bhi Ajab Baadal Hai
Apne Hi Dil Se Uthe Apne Hi Dil Per Barse
– Bashir Badr

Raat se jee hai sogwar bahut yaad

Raat Se Jee Hai Sogwar Bahut
Yaad Aao Na Aaj Yaar Bahut
Paanv Me Dum Rahe Dyaar Bahut
Haath Chalte Hon, Rozgar Bahut
Dil Me Har Vaqt Ek Hungama
Shehar Tanha Hai Sheharyar Bahut
Dekh Li Meharbaniya Teri
Zindagi Ban Na Ghamgusar Bahut
Kya Koi Yaar Aane Wala Hai
Waqt Pucho Ho, Aaj Yaar Bahut
Raat Kehti Hai Badr So Jao
Ho Chuka Uska Intezar Bahut
– Bashir Badr

Maa se pyara to koi bol ho

Maa Se Pyara To Koi Bol Ho Nahi Sakta,
Maa Ki Mamta Ka Koi Mol Ho Nahi Sakta,
Khud Nahi Khati Hai Bachcho Ko Khila Deti Hai,
Waqt Pe Thapkiya De De Sula Deti Hai,
Sach To Ye Hai K Wo Shhaqs Hai Sabse Gareeb,
Maa Ka Saaya Hota Nahi Jise Duniya Me Nasseeb,
Zakhm Jab Bacche Ko Lagta Hai To Maa Roti Hai,
Aisi Nisbat Kisi Aur Rishte Me Kahan Hoti Hai…
– Haji Aijaz

Har ik chiraag ki lo aisi soyi soyi

Har Ik Chiraag Ki Lo Aisi Soyi-Soyi Thi
Voh Shaam Jaise Kisi Se Bichhad Ke Royi Thi
Naha Gaya Tha Main Kal Jugnuo Ki Baarish Mein
Voh Mere Kaandhe Pe Sar Rakh ke Khoob Royi Thi
Kadam-Kadam Pe Lahoo Ke Nishan Kaise Hain
Ye Sarjami To Mere Aansuon Ne Dhoyi Thi
Makaan Ke Saath Voh Podha Bhi Jal Gaya Jisme
Mehkate Phool The Phoolon Me Ek Titli Thi
Khood Uske Baap Ne Pehchaan Kar Na Pehchana
Voh Ladki Pichhle Fasadaat Me Jo Khoyi Thi

Udas raat hai koi to khawab de

Udas Raat Hai Koi To Khawab De Jao
Mere Gilas Mein Thodi Sharab De Jao
Bahut Se Aur Bhi Ghar Hain Khuda Ki Basti Mein
Fakeer Kab Se Khada Hai Jawab De Jao
Main Zard Patton Pe Shabnam Saza Ke Laya Hoon
Kisi Ne Mujhse Kaha Tha Hisaab De Jao
Meri Nazar Mein Rahe Doobne Ka Manzar Bhi
Guroob Hota Hua Aaftaab De Jao
Fir Iske Baad Nazaare Nazar Ko Tarsenge
Vo Ja Raha Hai Khizan Ke Gulab De Jao
Hazar Safhon Ka Deewan Kaun Padhta Hai
Bashir Badr Koi Intekhaab De Jao

Bashir badr shayari must read pehla sa

Bashir Badr Shayari Must Read
Pehla Sa Vo Zor Nahi Hai, Mere Dukh Ki Sadaon Mein
Shayad Paani Nahi Raha Hai, Ab Pyaase Dariyaon Mein
Jis Baadal Ki Aas Mein Jude Khol Liye Hain Suhagan Ne
Vo Parbat Se Sir Takrakar Baras Chuka Hai Sehraon Mein
Jaane Kab Tadpe Aur Chamke Sooni Raat Ko Fir Dass Jaye
Mujhko Ek Roop-hali Naagin Baithi Mili Hai Ghataon Mein
Patta To Aakhir Patta Tha Gunjaan Ghane Darkhton Ne
Jameen Ko Tanha Chhod Diya Hai Itni Tez Hawaon
Dinbhar Dhoop Ki Tarah Se Hum Chhaaye Rehte Hain Duniya Per
Raat Huyi To Simat Ke Aa Jaate Hain Dil Ki Goofaaon Mein
Khade Huye Jo Sahilon Per, To Dum Mein Palkein Bheeg Gayi
Shayad Aansoo Chhupe Hon Subah Ki Narm Hawaon Mein
– Bashir Badr

Garibi shayari gali mein khada tha

Garibi Shayari –
Gali Mein Khada Tha Fatichar Sa Ladka
Halat Se Tha Shayad Bilkul Hi Kadka
Chehra Bhi Uska Murjhaya Hua Tha
Par Is Baat Ka Andaaza Use Na Hua Tha
Bahut Der Se Wo Tak-Taki Laga Kar Upar Ki Taraf Dekh Raha Tha
Jaha Ek Rahees Bade Chaav Se Cake Kha Raha Tha
Tabhi Bhauka Kutta, Ladke Ne Bhi Mud Ke Dekha
Isi Beech Us Rahees Ne Cake Ka Tukda Feka
Lapka Wo Kutta, Or Lapka Wo Ladka
Na Fati Uski Chhaati, Na Kaleja Bhi Dhadka
Bahut Hui Us Tukde Ke Liye Dono Me Cheena-Jhapti
Ant Me Ladke Ne Jeet Hi Li Bhook Ki Ye Kushti
Wo Rahees Un Dono Ko Dekh Raha Tha
Muft Ke Tamaashe Ka Khoob Maza Loot Raha Tha
Shareer Tha Lahu-Luhaan, Par Chehre Par Khushi Thi
Kyuki Aaj 2 Din Baad Roti Jo Naseeb Hui Thi
Jeet Ki Khushi Mein Us Ladke Ka Chehra Upar Ki Or Uth Gaya
‘Uf Ye Kamine Chokre’, Kah Kar Wapas Wo Rahees Kursi Par Baith Gaya…
– Ashwani Mishra

Acha tumhare shehar ka dastoor ho gaya

Acha Tumhare Shehar Ka Dastoor Ho Gaya
Jisko Gale Lagaya Vahi Door Ho Gaya
Tanhayion Ne Tod Diya, Hum Dono Ka Garoor
Aaina Baat Karne Pe Majboor Ho Gaya
Subah-E-Visal Puch Rahi Hai Ajab Sawal
Vo Paas Aa Gaya Ki Bahut Door Ho Gaya
Kuch Fal Jaroor Aayenge Roti Ke Ped Mein
Jis Din Mera Mutalba (Prayer) Manzoor Ho Gaya
– Bashir Badr

Ghar se nikle to ho socho kidhar

Ghar Se Nikle To Ho, Socho Kidhar Jaoge
Har Taraf Tez Hawayein Hain Bikhar Jaoge
Itna Aasan Nahi Lafzon Pe Bharosha Karna
Ghar Ki Dehleez Pukaregi Jidhar Jaoge
Sham Hote Hi Simat Jayenge Saare Raastey
Behte Dariya Mein Jahan Honge, Thaher Jaoge
Har Naye Shehr Mein Kuch Raate Kadi Hoti Hain
Chat Se Deeware Juda Hongi To Dar Jaoge
Pehle Har Cheez Nazar Aayegi Bemani Si
Aur Phir Apni Hi Nazar Se Utar Jaoge
– Nida Fazli

Ek chehra sath sath raha jo mila nahi

Ek Chehra Sath-Sath Raha Jo Mila Nahi
Kisko Talash Karte Rahe Kuch Pata Nahi
Aakhir Ghazal Ka Tajmahal Bhi Hai Makbra
Hum Zindagi The Humko Kisi Ne Jiya Nahi
Andhero Mein Aur Chamkati Hai Dil Ki Dhoop
Sooraj Tamaam Raat Yahan Doobta Nahi
Kisne Jalai Bastiyan Bazar Kyo Loote
Main Chand Per Gaya Tha Mujhe Kuch Maloom Nahi
– Bashir Badr

Taaro ki chilmano se koi jhankta bhi

Taaro Ki Chilmano Se Koi Jhankta Bhi Ho
Is Kaynaat Mein Koi Manzar Naya Bhi Ho
Itni Siyah Raat Mein Kisko Sadayein Doon
Aisa Chirag De Jo Kabhi Bolta Bhi Ho
Rango Ki Kya Bahar Hai Pathar Ke Baag Mein
Lekin Meri Jameen Ka Ik Hissa Hara Bhi Ho
Uske Liye To Maine Yahan Tak Duayein Ki
Meri Tarah Se Koi Use Chahta Bhi Ho
– Bashir Badr

Ek fauji ki girlfriend ne usey khat

Ek Fauji Ki Girlfriend Ne Usey Khat Likha, “Meri Life Mein Naya Ladka Aa Gaya Hai…,
Tum Se Acha, Main Us Se Shadi Karungi Meri Photo Vapas Bhijwa Do.”
Fauji Ne Apne Sare Dosto Ki Girlfriends Ki total 30 Photo Rakh Ke Khat Likha,
“Lo In Mein Se Nikal Lo, Mujhe Tumhari Shakal Yaad Nahi.”

Dekha hua sa kuch hai to socha

Dekha Hua Sa Kuch Hai To Socha Hua Sa Kuch
Har Waqt Mere Sath Hai Uljha Hua Sa Kuch
Hota Hai Yun Bhi Rasta Khulta Nahi Kabhi
Jungle Sa Fael Jata Hai Khoya Hua Sa Kuch
Sahil Ki Gili Ret Per Bachon Ke Khel Sa
Har Lamha Mujhme Banta Hai Bikhrata Hua Sa Kuch
Fursat Ne Aaj Ghar Ko Sajaya Kuch Is Tarah
Har Shai Se Muskurata Hai Rota Hua Sa Kuch
Dhundhli Si Ek Yaad Kisi Kabr Ka Diya
Aur, Mere Aas-Paas Chamakta Hua Sa Kuch
– Nida Fazli

????? ?? ?? ???? ?????? ?? ??,
????? ?? ???? ??? ??? ??? ??? ?? ?? |
????? ?? ??????? ??? ???? ???? ?????,
????? ?? ‘?????’ ???? ??? ?? ??????? ?? ??? ?? ?? |
?? ?? ?? ??? ???? ???? ????? ??,
???? ??? ???? ?? ?? ???????? ?? ??? ?? ?? |
?????? ?? ????? ???? ???? ?? ???,
?????? ??? ?? ???? ?? ????? ?? ??? ?? ?? |
– Masroor

Teer nazron ke to palko ki kamaan

Teer Nazron Ke, To Palko Ki Kamaan Rakhe Hain
Unki Kya Baat Hai Phoolon Ki Zubaan Rakhe Hain
Hum To Aankhon Me Sanvarte Hain Vahi Sanvrenge
Hum Nahi Jaante Aaine Kahan Rakhe Hain
Apne Kaatil Bhi Usi Roz Se Sharminda
Hum Bhi Khamosh Bahut Apni Zubaan Rakhe Hain
Dil Kabhi Ret Ka Sahil Nahi Hone Dete
Hume Mehfooz Vo Kadmo Ke Nishaan Rakhe Hain
Jin Pe Tehreer Hai Bachpan Ki Mohabbat Apni
Ab Mere Ghar Ke Vo Darwaaze Kahan Rakhe Hain
– Bashir Badr

Mohabbaton mein dhikave ki dosti na mila

Mohabbaton Mein Dhikave Ki Dosti Na Mila
Agar Gale Nahi Milta, To Haath Bhi Na Mila
Gharon Pe Naam The, Naamo Ke Sath Ohde The
Bahut Talash Kiya, Koi Aadmi Na Mila
Tamaam Rishton Ko Main, Ghar Mein Chhor Aaya Tha
Fir Iske Baad Mujhe Koi Ajnabi Na Mila
Khuda Ki Itni Badi Kainat Mein Maine
Bas Ek Shakhs Ko Manga, Mujhe Vahi Na Mila
Bahut Ajeeb Hai Ye Kurbato Ki Doori Bhi
Voh Mere Saath Raha Aur Mujhe Kabhi Na Mila
– Bashir Badr

Vo pyaase jhonke bahut laut jaate hain

Vo Pyaase Jhonke Bahut Pyaase Laut Jaate Hain
Jo Door-Door Se Baadal Uda Ke Laate Hain
Sitara Banke Bhatakte Hain Saari-Saari Raat
Jo Vaada Karke Wafa Karna Bhool Jaate Hain
Main Din Hoon Meri Jabeen Per Dukhon Ka Suraj Hai
Diye To Raat Ki Palkon Pe Jhilmilate Hain
Gulab Sa Vo Badan Kya, Hawa-E-Dard Mein To
Ghane Darkhton Ke Jangal Bhi Sookh Jaate Hain
– Bashir Badr

Shabnam hoon surkh phool pe bikhra hua

Shabnam Hoon Surkh Phool Pe Bikhra Hua Hoon Main
Dil Mom Aur Dhoop Mein Baitha Hua Hoon Main
Kuch Der Baad Raakh Milegi Tumhe Yahan
Lo Banke Is Chirag Se Lipta Hua Hoon Main
Do Sakht Khushk Rotiyan Kab Se Liye Huye
Pani Ke Intezar Mein Baitha Hua Hoon Main
Auraak Mein Chhipati Thi, Aksar Vo Titliyan
Shayad Kisi Kitab Mein Rakha Hua Hoon Main
Duniya Hai “Bepnah” Aur “Bharpoor” Zindagi
Inhi Do Auraton Ke Beech Mein Leta Hua Hoon Main
– Bashir Badr

Dekhun jo teri aankhon ko mera har

Dekhun Jo Teri Aankhon Ko Mera Har Sapna Jaag Jaaye
Sunoo Jo Teri Baaton Ko Kuch Jajba Bas Jaaye
Chahun Main Aur Kya Is Zindagi Se
Mangu Main Aur Kya Us Khuda Ki Roshni Se
Jo Maa Tujhse Itna Pyaar Mil Jaye…
– Akash Chauhan

Kis desh mein ye kafila e waqt ruka hai

Kis Desh Mein Ye Kafila-E-Waqt Ruka Hai
Aariz Ke Ujale Hain Na Julfon Ki Ghata Hai
Kuch Meri Nigaho Ke Tale Dhundh Bahut Hai
Kuch Jashan-E-Chiragan Se Andhera Bhi Badha Hai
Ae Shokh Ghazalo! Yahan Do Phool To Rakh Do
Is Kabr Mein Khwabida Mohabbat Ka Khuda Hai
Ab Aao Kaleje Se Lipatkar Mere So Jao
Bahar Kahan Jaoge Badi Sard Hawa Hai
Kuch Der Mein Saanso Ki Bhi Aahat Na Milegi
Dil Raat Ke Sannaate Mein Yoon Doob Raha Hai
– Bashir Badr

Humara dard humari dukhi aawaz se lade

Humara Dard Humari Dukhi Aawaz Se Lade
Sulgati Aag Kabhi Sirfiri Hawa Se Lade
Main Jaanta Hoon Ki Aakhir Kya Hoga
Akela Pata Agar Raatbhar Hawa Se Lade
Mere Ajeej Mujhe Katal Karke Feink Aate
Bhala Huya Ki Mere Lab Meri Sada Se Lade
Siyah Barf Mein Thithuri Hai KaayNaat Meri
Koi Sitara Uthe Tootkar Khla Se Lade
Humare Sehar Mein Kya Ho Gaya Tha Jiske Liye
Bashir Rote Rahe Raat Bhar Khuda Se Lade
– Bashir Badr

Teacher ek sawal daal per 5 chidiyan

Teacher: Ek Sawal
Ek Daal Per 5 Chidiyan Baithi Ho Aur Tumne Unme Se Ek Ko Pathar Mar Kar Gira Diya…
To Kitni Chidiyan Bachegi?
Pappu: Koi Nahi… Sab Ud Jayengi.
Teacher: Nahi, 4 Bachengi. Per Tumhari Soch Mujhe Pasand Aayi.
Pappu: Mam Mera Bhi Ek Sawal Hai 3 Ladkiyan Ice Cream Kha Rahi Hain,
1st Chaat Ke,
2nd Kaat Ke,
Aur
3rd Choos Ke…
Inme Se Kon Si Ek Shadi Shuda Hai?
Teacher (Sharma Ke): Jo Choos Rahi Hai.
Pappu: Ji Nahi, Jiske Gale Mein Mangalsutra Hai, Par Aapki Soch Bhi Mujhe Pasand Aayi…

Andekha anjaana bachpan yaad mujhey jab aata

Andekha Anjaana Bachpan
Yaad Mujhey Jab Aata Hay
Kuch Pal Mujhey Hansata Hay
Per Har Pal Mujhey Rulata Hay
Chhotee Chhotee Batein Kuch
Dundhlee Dundhlee Yadein Kuch
Rouna Dhona Rooth Bhi Jaana
Masoumiyat Sey Sab Ko Mannana
Ghar Ka Aangan Aur Chobbara
Aksar Khwaboon Mein Mandhrata Hay
Daada Daadi Aur Naana Naani
Roze Sunayein Ik Nayi Kahani
Nanha Munna Pyara Pyara
Sab Ka Tha Mein Raaj Dulara
Abu Ka Tha Aankh Ka Tara
Ami Ka Mein Jigar Ka Para
Bachpan Guzra Aaya Ladakpan
Halla Gulla Masti Har Dam
Maloom Nahi Kab Beeta Bachpan
Palak Jhapaktey Aayi Jawani
Karney Laga Apni Man Maanni
Chaltey Badhtey Who Gadhi Bhi Aayi
Ghar Waloon Ney Meri Shaadi Rachayi
Hissey Mein Meri Ik Zimadari Aayi
Waqt Badaltey Deir Lagi Na
Meri Goud Mein Eik Bachi Aayi
Dhoond Raha Hoon Har Pal Har Soo
Uss Mein Paya Ab Bachpan Apna
Lout Kay Aaya Phir Say Bachpan Mera….
– Andrabi

Unko aaina banaya dhoop ka chehra mujhe

Unko Aaina Banaya, Dhoop Ka Chehra Mujhe
Rasta Phoolon Ka Sabko Aag Ka Dariya Mujhe
Chaand Chehra, Zulf Dariya, Baat Khushboo, Dil Chaman
Ik Tumhe Dekar Khuda Ne De Diya Kya-Kya Mujhe
Jis Tarah Vaapas Koi Le Jaaye Apni Chhuttiyan
Jaane Wala Is Tarah Se Kar Gaya Tanha Mujhe
Tumne Dekha Hai Kisi Meera Ko Mandir Mein Kabhi
Ek Din Usne Khuda Se Is Tarah Maanga Mujhe
Meri Mutthi Mein Sulgati Rait Rakh Kar Chal Diya
Kitni Aawazein Diya Karta Tha Ye Dariya Mujhe
– Bashir Badr

Sheher e dil mein har kisi ko

Sheher E Dil Mein Har Kisi Ko Basaya Nahi Karte
Khwabo Mein Bina Ijazat Jaya Nahi Karte
Abhi Tau Mausam E Bahar Ke Mazey Liye Jaa
Patjhar Mein Shajhar Kabi Sayaa Nahi Karte
Mera Dil Todne Wale Ise Saath Leta Jaa
Toote Hue Dil Kisi Ke Kaam Aaya Nahi Karte
Dosti Mein Apna Bada Anokha Asool Hai Dosto
Ek Bar Azmaaye Ko Dobaara Azmaya Nahi Karte
Musafir Jab Nayi Manzil Ki Simat Jaate Hain Asghar
Phir Wo Itne Jald Kabhi Laut Aaya Nahi Kart…
– M. Asghar Mirpuri

Koi jata hai yahaan se na aata

Koi Jata Hai Yahaan Se, Na Koi Aata Hai
Ye Diya Apne Andhere Mein Khud Hi Ghuta Jata Hai
Sab Samjhate Hain Vahi Raat Ki Kismat Hoga
Jo Sitara Ki Bulandi Pe Nazar Aata Hai
Main Isi Khoj Mein Badhta Hi Chala Jata Hoon
Kiska Aanchal Hai Jo Kohsaaron (Pahadon) Pe Lehrata Hai
Meri Aakhon Mein Hai Ik Abr (Baadal) Ka Tukda Shayad
Koi Mausam Ho Sar-E-Sham Bars Jata Hai
De Tasalli Koi, To Aankh Chhalak Uthti Hai
Koi Samjhaye To Dil Aur Bhi Bhar Aata Hai
– Bashir Badr

Teri aarjoo justjoo mein bhatak raha tha

Teri Aarjoo Teri Justjoo, Mein Bhatak Raha Tha Gali-Gali
Meri Dastaan Teri Zulf Hai, Jo Bikhar-Bikhar Ke Sanvar Gayi
Na Ghamon Ka Mere Hisaab Le, Na Ghamon Ka Apne Hisaab De
Vo Ajeeb Raat Thi Kya Kahein, Jo Gujar Gayi So Gujar Gayi
– Bashir Badr

Azmatein sab teri khudai ki haisiat kya

Azmatein Sab Teri Khudai Ki
Haisiat Kya Meri Ikai Ki
Mere Hothon Ke Phool Sookh Gaye
Tumne Kya Mujhse Bewafai Ki
Sab Mere Haath Paanv Laphzon Ke
Aur Aankhein Bhi Roshanai Ki
Main Hi Mulzim Hoon, Main Hi Munsiph Hoon
Koi Soorat Nahi Rihai Ki
Ek Bars Zindagi Ka Beet Gya
Teh Jami Ek Aur Kai Ki
Ab Tarsate Raho Ghazal Ke Liye
Tumne Laphzon Se Bewafai Ki
– Bashir Badr

Ab kise chaahe dhundha kare voh bhi

Ab Kise Chaahe, Kise Dhundha Kare
Voh Bhi Aakhir Mil Gaya Ab Kya Kare
Halki-Halki Barishein Hoti Rahein
Hum Bhi Phoolo Ki Tareh Bheega Kare
Aakhein Moonde Is Gulabi Dhoop Mein
Der Tak Baithe Use Socha Kare
Dil, Mohabbat, Deen, Duniya, Shayari
Har Dareeche Se Tujhe Dekha Kare
Ghar Naya, Bartan Naye, Kapde Naye
In Purane Kaagzon Ka Kya Kare
– Bashir Badr

Bistar e dil pe khoon uglate khwab raat bhar

Bistar-E-Dil Pe Khoon Uglate Khwab
Raat Bhar Karvatein Badlate Khwab
Waqt Ki Dhoop Regzar-E-Hyat*
Barf Ki Tarah Se Pighlate Khwab
Parda-E-Noor Banke Chhaye Hain
Aasuon Ki Tarah Machlate Khwab
Bikhare Sheesho Pe Gir Ke Toot Gaye
Neend Mein Nange Paanv Chalte Khwab
Aisi Sunsan Dhopher Mein Kahan
Chand Taaron Ki Tarah Chalte Khwab
Ye Hawa-E-Haqiqat-E-Farda**
Ye Chiragon Ki Tarah Jalte Khwab
– Bashir Badr
* Regzar-E-Hyat = Jeevan Ka Marusthal, Desert of Life
** Hawa-E-Haqiqat-E-Farda = Aane Wale Kal Ki Sachai Ki Hawa

Ghazal ko maa ki tarah baavkaar karta

Ghazal Ko Maa Ki Tarah Baavkaar Karta Hoon
Main Mamta Ke Katoron Mein Dhoodh Bharta Hoon
Ye Dekh, Hizr Tera Kitna Khoobsoorat Hai
Ajeeb Mard Hoon, Solah-Singar Karta Hoon
Badan Samet Ke Le Jaaye Jaise Shaam Ki Dhoop
Tumhare Shehar Se Main Is Tarah Guzrata Hoon
Tamaam Din Ka Safar Karke Roz Shaam Ke Baad
Pahadiyon Se Ghiri Kabr Mein Utrata Hoon
Mujhe Sukoon Ghane Junglon Mein Milta Hai
Main Raaston Se Nahi Manzilon Se Darta Hoon
– Bashir Badr

Shaam ho rahi hai kadam badh rahe

Shaam Ho Rahi Hai Kadam Badh Rahe Hai
Saaki Tayaar Khada Hai Jaam Bhar Rahe Hai
Bhaari Galo Ke Saath, Gam Halke Ho Rahe Hai
Kuch Raaz Khul Rahe Hai Kuch Dafan Ho Rahe Hai
Pyaale Tuut Rahe Hai Dil Jud Rahe Hai
Waqt Chal Raha Hai Kadam Ruk Rahe Hai
Teri Yaad Aa Rahi Hai Surror Badh Raha Hai
Saans Tham Gayi Hai Bas Dil Dhadhak Raha Hai
– Ashiq Anurag

Mere bistar pe so raha hai koi

Mere Bistar Pe So Raha Hai Koi
Meri Ankhon Mein Jaagta Hai Koi
In Pahado Mein Rehte Hain Humzaad
Bol Kar Dekh Bolta Hai Koi
Aaj Main Jagoonga Ki Sote Hue
Meri Palko Ko Choomta Hai Koi
Mera Shaitan Mar Gaya Shayad
Mere Seene Pe So Raha Hai Koi
Rang Ye Bhi Bahut Purana Hai
Sochta Koi, Bolta Hai Koi
Saath Pardon Mein Chup Ke Dekh Liya
Kapde Badlo To Dekhta Hai Koi
– Bashir Badr

Kuchh to jarur huaa hai wo aise

Kuchh To Jarur Huaa Hai Wo Aise Badal Nhi Sakte,
Wada Karke Wade Se Mukar Nhi Sakte,
Itane Nazuk To ’Kumar’ Tere Khwab Nhi Hai,
Jo Sheeshe Ki Tarah Tutkar Bikhar Nhi Sakte….
– Ghanendra Kumar Bamaniya

Apni khoyi huyi jannatein pa gaye zeest

Apni Khoyi Huyi Jannatein Pa Gaye
Zeest* Ke Rastey Bhoolte-Bhoolte
Maut Ki Vaadiyon Me Kahin Kho Gaye
Teri Aawaz Ko Dhundhte-Dhundhte
Mast-O-Sarshaar** The Koi Thokar Lagi
Aasmaan Se Zameen Per Yon Hum Aa Gaye
Shaakh Se Phool Jaise Koi Gir Pade
Raks-E-Aawaz Per Jhumte-Jhumte
Koi Pathar Nahi Hoon Ki Jis Shakl Me
Mujhko Chaaho Banaya Bigada Karo
Bhool Jaane Ki Koshish To Ki Thi Magar
Yaad Tum Aa Gaye Bhoolte-Bhoolte
Aankhein Aansoo Bhari, Palkein Bojhil Ghani
Jaise Jheelein Bhi Hon Narm Saaye Bhi Hon
Vo To Kahiye Unhe Kuch Hansi Aa Gayi
Bach Gaye Aaj Hum Doobte-Doobte
Ab Vo Gesoo Nahi Hain Jo Saya Kare
Ab Vo Shane Nahi Jo Sahara Bane
Maut Ke Baajuon Tum Hi Aage Badho
Thak Gaye Aaj Hum Ghoomte-Ghoomte
Dil Me Jo Teer Hain Apne Hi Teer Hain
Apni Zanjeer Se Paa-B-Zanjeer Hain
Pathron Ko Humne Khuda Kar Diya
Aakhirash Raat Din Poojate-Poojate
– Bashir Badr
*Jeevan, **Mast

Doosron k khayalon mein seindh laga lete

Doosron K Khayalon Mein Seindh Laga Lete Hain Log,
Daaon-Peinch K Dum Pe Khud Ko Azmad Bana Lete Hain Log,
Tune Munh Kaya Phera Sabhi Sapne Hue Kaafoor,
Saanjh Dhale Jaise Chhat Se Kapde Utaar Lete Hain Log,
Yaadon Mein Uljhe Aksh Na Ghat-Te Hain Na Badhte Hain,
Anjaan Bastiyon Me Bhi Dil Laga Lete Hain Log,
Wo Aankhe Chahte Hue Bhi Kuchh Na Keh Saki,
Rivazon Ki Duniya Me Mushkil Me Phasa Dete Hai Log,
Sach To Sach Hai Jitna Hai Utna Hi Rahega,
Jhoot K Daayere Ko Badha-Ghata Lete Hain Log….
– Dev Arjun

Rahen salaamt shayarismcombanaaney waale mujh jaise kai

Rahen salaamt “SHAYARISM.COM” banaaney waale
mujh jaise kai gumnaamo ko naam dilaane waale
shayad kuch man halka ho yahan pe shaayri karke
aur mere dard ko samjhen mujhpe muskuraaney waale
shaayad ab koi” RAJAN” na gumnam hoga
meri shaayri pe har comment hi mera inaam hoga
meri baaten shaayd lagengi fizool sabko…
magar mere jazbaat samjhengey kisi se dil lagaaney waale…
– Rajan

Rail ki railem pel mein buso bheed

Rail Ki Railem Pel Mein Buso Ki Bheed Mein
Jab Bhi Dil Mera Ghabraya
Wo Chup Ke Se Aayee Aur Mera Kandhaa Thap-Thapaya
Interview Ki Line-O Mein Job Ke Kataron Mein
Jab Main Phir Ghabraya Wo Pass Hi Khadee Thee Usne Mujhe Samjhaya
Main Soch Hi Raha Tha Ke Jeevan Ki In Raahon Mein Na Jane Ye Kaun Anjaan Hai
Maine Dekha Ke Wo Daree Sehmee Si Chup -Chap Khadee Maun Hai
Aur Main Zindgi Se Hi Puch Raha Hoon Ke Tu Meri Kaun Hai, Tu Mere Kaun Hai…
– Vidit Saini

Waqt ke saath daayra badh jata hai

Waqt Ke Saath Daayra Badh Jata Hai
Pyar Maa, Patni Aur Bachche Me Bat Jata Hai
Fazul Si Shikayet Rehti He Aksar Ki
Beta Shadi Ke Baad Badal Jata Hai
Kabhi Mom Kabhi Faulaad Hai Aadmi
Kahin Abaad Kahin Barbaad Hai Aadmi
Paise Ki Dugdugi Pe Naach Raha Hai
Akhir Bandar Ki Aulaad Hai Aadmi
Parde Ki Baat Ab Sare-Aam Hoti Hai
Bandishe Waqt Nahin Subho Shaam Hoti Hain
Mohabbat Jo Janmo Tak Rehti Thi Zinda
Ab Bus Ek Raat Me Tamaam Hoti Hai
– Dev Arjun

Rang e lahu ka chakkar aaj yahan

Rang E Lahu Ka Chakkar Aaj Yahan Bhi Hai Kal Waha Bhi Hoga
Bandooko Ka Chalan Aaj Yaha Bhi Hai Kal Waha Bhi Hoga
Yeh Sirf Log Nahin Mitt Rahi Hai Nishaniyaan, ‘Masroor’
Yeh Shatranj Aaj Yaha Bhi Hai Kal Waha Bhi Hoga…
– Masroor